ترجمة لقـــاء توبا ببرنامج Beyaz show

بسم الله الرحمن الرحيم
السلام عليكم
طيب منبلش مع الفيديو الأول :

https://www.youtube.com/watch?v=FI4iQxWhsJU

هاد كان بس دعاية للحلقة و سرد للفنانين اللي رح يحضروها

++~~~~++

هلأ المقاطع اللي حكت فيهم توبا

الجزء الأول :

https://www.youtube.com/watch?v=GFvCojqHpcA

طيب متل ما شفتوا بعد ما بياز بلش يقول أسامي الضيوف قال أول اسم توبا بويوكوستن و الجمهور بلش يصرخ قالن اصبروا شوي قلنا توبا صار الكل هاجم اصبروا شوي و بعدين قال أسامي كل الضيوف و كان واضح إنو كل واحد جايب معو شغلة بإيدو مشان يقدمها ، راحوا مشان يقعدوا ، بياز وقّف توبا و سألها عن اللوحة اللي بإيدها قالها إنتي اللي رسمتيها ؟ قالتلو إيه . قالها من زمان ؟ قالتلو لأ هي مخصوص لحلقة اليوم . " متل ما شفتو طبعا اللوحة أو tableau هو عبارة عن ولد بيعاني من التوحد من وجهة نظر توبا ، هي اللي رسمتها و قدمتها للبرنامج و رح ينعملها مزاد علني و المصاري تبعا رح تروح لهالمرضى "

هون المشهد



احببببببببببببببببببببببببببك من قلبى ياعمرى



الجزء التاني :

https://www.youtube.com/watch?v=4aeEeHaVv7M

طيب هون بعد ما نادى على ضيوف تانيين بيناتهم جمال هونيل " اللي عامل دور كريم بمسلسل آسي " ، بعدين نادى لتوبا لتجي لعندو ، إجت ،
بياز : هدول الاتنين " يعني توبا و جمال " من أصغر الممثلين سنا بس صاروا من أشهر و أنجح الفنانين عنا بالبلد ، بدي اتشكرهن لإنن إجو لهون و فاجأونا ، و بدي قول كمان إنن ما بيحبوا يظهروا كتير ، و هني إجو اليوم لهون بسبب موضوع الحلقة و بيستحقوا زقفة كتير كبيرة. " بيقصد إنن ما بيحبوا يظهروا باللقاءات التلفزيونية و الصحفية بشكل عام و خصوصي توبا متل ما بتعرفوا طلاتها بالصحافة قليلة جدا لإنو ما بتحب الأضواء ، و بياز صارلو سنة عم يبعت لتوبا مشان تكون ضيفة ببرنامجو بس كانت دايما بتتحجج بالشغل بس هالمرة لما قالولها إنو الغرض من الحلقة إنساني وافقت دغري >> قلتلكن هالإنسانة كل مرة بتأكدلي إني ما أخطأت الاختيار أبدا "
بياز : "عم يسأل توبا" توبا ما عم تبيني و ما حدا عم يشوفك ليش ؟
توبا : لإنو أنا بيتوتية كتير و هالشي بيرجع لشخصيتي ، و كمان لإنو صارلي سنتين عم بشتغل برات استنبول " عم تقصد الشغل بأنطاكيا بسبب آسي " مشان هيك أحيانا بيمرق عليي أكتر من شهر بين كل جية و التانية ع استنبول و حتى إذا إجيت بيكون ليوم واحد أو اتنين ، هاد السبب.
بياز: و كمان منعرف إنك ما بتحبي تظهري كتير
توبا : إيه
بياز: شي كتير حلو ، و شو بخصوص العالم العربي سمعنا إنك عملتي عندن لقاءات وهيك شغلات هاه؟؟
توبا : "بتضحك" مو كتير هو كان لقاء واحد أو اتنين
بياز : و أنا ما بدك تجي لبرنامجي ياعيب الشوم " عم يمزح معها ، ضحك وقاللها عم بمزح معك و انتقل لجمال "
بياز : شو هاي ؟ سرج تبع حصان ؟
جمال : إيه هاد كان أول واحد بركب عليه إجاني هدية فحبيت جيبو معي اليوم لاتبرع فيه ،
توبا : أنا كمان سبق و استعملتو
جمال : جبتو مشان الأولاد .
" و بعدين رجعوا لأماكنن "


هون لما سألها عن الوطن العربي




الجزء الثالث :

https://www.youtube.com/watch?v=GK870p6R5fw

بالأول عطت معلومات عن شخصين تبرعوا للمرضى
و بعدين بياز قال : توبا بويوكستن بعرف إنو وقتك ضيق و طلبتي إنك تروحي قبل ما تخلص الحلقة شو حابة تقولي و كلمة أخيرة بمناسبة عيد الأم
توبا : أول شي حابة قول إنو أنا قريت عن هالمرض "عم تقصد التوحد" و بصراحة ما كان عندي عليه أي فكرة عرفت عنو من مدة قصيرة بسبب ابن رفيق أهلي ، الأحد الجاي عيد الأم الشغلة اللي بدي أقولها هي إنو مو لازم نهتم بالطفل المريض و بس لإنو عيلتو و بالذات أمه بيعانوا اضعاف الشي اللي بيعانيه المريض بذات نفسه هي أول شي بتحس بالصدمة لما بتعرف إنو ابنها عنده هيك مرض و بعدين بتضلها عم تحاول تخليه يحس حاله طبيعي مشان هيك لازمها رعاية و اهتمام هي كمان . و بمناسبة عيد الأم بدي قول لكل الأمهات بالعالم عيد أم سعيد ، الأم هي أعظم إنسان بالدنيا بسببها تواجدنا بالحياة و بفضلها بنوصل للي بنوصللو ، كتير بيتعذبوا و بيضحوا كرمالنا، بقول لكل الأمهات انشالله ينعاد عليكن و كل سنة و إنتو سالمين .
وبعدين قامت و حيّت الجمهور و قالتلن شكرا و تصبحوا على خير و راحت



خلاص ، برجع بقول إنو الدعوة ما كانت خاصة و البرنامج ما كان مستضيف توبا شخصيا لحتى يحكوا عن أعمالها أو حياتها الشخصية ، الغرض من الحلقة كان إنساني بحت.واحبك موت يا عمرى يا توبا

سلام
شوية تواقيع

سلمووووووووووووووووووووووووووووووووووووووو على تعبك ياعسل